Ҫурхи кун уйра-мӗн СУРӐХ,
шӑтса тухнӑ симӗс курӑк...
Мӗкӗрет хӑватлӑн ВӐКӐР:
Мӗн тери эп вӑйлӑ - пӑхӑр!
ЙӖКӖРЕШСЕМ ҫуммӑн ларнӑ,
Ҫиме кашӑк та кӑларнӑ.
Сӑрапа РАК питӗ тутлӑ,
Кӳлӗре, шел, юлнӑ шутлӑ...
Артельпе хуҫа-мӗн АРӐСЛАН:
Ун валли пӗр выльӑх та юлман...
Куҫне хывнӑ ХӖР ҫине вӗл,
Тулӗ-ха унпа та кӑмӑл!
ТАРАСА ҫине хӗр тӑнӑ —
Хӑш самантра мӑнтӑрланнӑ?
СКОРПИОН — кӑтра Антун,
Кампа пултӑн-ха? Ан тун...
УХӐҪӐ эп, тет, хӑюллӑн:
Пулас килчӗ ашшӗ манӑн.
ТУ КАЧАКИ ун савнийӗ,
Мӑйрака лартать варлийӗ...
Ҫуттине куллен ҫӑтатӑн:
ШЫВ ТӐКАН вӑл - мӗн ыйтатӑн?..
Урӑх нимӗн те пӗлместӗп —
ПУЛӐ евӗрех чӗнместӗп...